Li Silêmaniyê li ser girekî dîrokî bazgeha asayîşê tê danîn

Şarezûr (Rûdaw) - Li Silêmaniyê li ser girekî dîrokî bazgeheke asayîşê hatiye danîn û ji ber hindê metirsiya jinavçûna wî şûnawarî heye.

Girê Girêze cîhekî dîrokî ye li deşta Şarezûrê û di lîsteya şûnwarên Silêmaniyê de jî hatiye tomarkirin.

Lêbelê niha ji ber danîna bazgeheke asayîşê, metirsiya jinavçûna wî cîhê şûnewarî heye.

Rêveberiya Şûnûwaran a Silêmaniyê jî daxwaz dike ku cîhê bazgehê bê guhertin da ku ew navçeya şûnwarî bê parastin.

Karkerekî wê bazgeha asayîşê jî radigihîne ku heta çend rojên din bazgeh temam dibe û diyar dike ku heta niha ti kesî ji wan re negotiye xebata bazgehê rawestînin.

Li sînorê parêzgeha Silêmaniyê hezar û 100 cîhên dîrokî hene û ji wê hejmarê jî 770 cîh hatine tomarkirin û 18 tîmên biyanî jî lêkolînan li ser wan cihan dikin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger