Li Meletiyê di rojekê de duyemîn erdhej

RÛDAW

Hewlêr (Rûdaw) - Li navçeya Çirmikê ya parêzgeha Meletiyê ya Bakurê Kurdistanê, bi hêza 4,3 erdhej çêbû.

Îro li Çirmikê demjimêr 00:41 jî bi hêza 4,2 erdhejek çêbûbû.

Li Bakurê Kurdistanê piştî erdhejên 6ê Sibata 2023an ên Mereşê erdhejên paşekî berdewam dikin.

Li parêzgeha Meletiyê îro du erdhej çêbûn.

Serokatiya Rêveberiya Karesat û Rewşên Bilez li Tirkiyê (AFAD) ragihand, demjimêr 12:54ê nîvro li navçeya Çirmikê ya Meletiyê bi hêza 4,3 pileya rixterê erdhejek çêbû.

Erdhej di kûrahiya 14,27 kîlometreyan de çêbûye.

Herwiha îro demjimêr 00:41an li navçeya Çirmikê bi hêza 4,2 û di kûrahiya 7 kîlometreyan de erdhej çêbûbû.

Erdheja li Meletiyê li bajarên derdorê jî hest pê hate kirin.