Hewlêr (Rûdaw) - Li navçeya Qerqeliyê ya ser bi parêzgeha Wanê ya Bakurê Kurdistanê 2 karmendên şaredariyê bi çekê hev kuştin.
Li gor agahiyên ku hatine belavkirin, roja Înê 9ê Hezîrana 2023an li Taxa Muhmutalan a girêdayî navçeya Qerqelî ya Wanê, di otomobîlekê de di navbera 2 karmendên şaredariyê de nîqaş derketiye. Piştî demek ji nîqaşê karmendên şaredariyê yên bi navên İ.G. û M.B. bi çekê teqe li hev kirin.
Li gor zanyariyan I.G. li cihê bûyerê canê xwe ji dest daye û M.B jî bi giranî birîndar bûye. Li ser agahdarkirinê tîmên tendirûstî çûn cihê bûyerê û karmendê din ê şaredariyê rakirine nexweşxaneyê lê tevî hewldanên pizîşkî wî jî li nexweşxaneyê canê xwe ji dest daye.
Hêzên ewlekariyê derbarê bûyerê de lêkolîn dane destpêkirin û ji ber egera çêbûna şerekî di navbera malbatên wan karmendên şaredariyê de tedbîrên ewlehiyê hatine wergirtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse