Baroya Şirnexê: Desteserkirina 21 rojnamevanan ne hiqûqî ye
Hewlêr (Rûdaw) - Baroya Şirnexê derbarê desteserkirina 21 rojnamevanên Kurd de got: “Ti kes nikare rê li azadiya gehîştina xelkê bo agahiyan bigre.”
Baroya Şirnexê 10ê Hezîrana 2022ê li ser hesabê xwe yê Twîtterê derbarê desteserkirina 21 rojnamevanên Kurd de daxuyaniyek belav kir û got ev desteserkirin ne hiqûqî ye.
Baro di daxuyaniya xwe de dibêje “Di 8ê Hezîrana 2022ê de 21 rojnamevanên Kurd bi awayê ku polîs bigrin ser mal û cihên wan ên kar hatine desteserkirin û di qonaxa yekem de rê nehatiye dayîn ku parêzerê wan ligel wan peywendiyê bikin.”
Di daxuyaniyê de amaje pê tê dayîn ku bi sedemên siyasî rojnamevan hatine desteserkirin û ti hinceteke rewa nîne û ev desteserkirin dijî demokrasî û hiqûqê ne.
Di çarçoveya lêkolîneke Serdozgeriya Komarî ya Amedê de 8ê Hezîrana 2022ê li Amedê bi operasyoneke hemewext bi ser gelek malan de girtibûn û di nav de Hevserokê Komeleya Rojnemevanan a Dicle Firatê Serdar Altan û Rêvebira JINNEWSê Safiye Alagaş jî di nav de 21 rojnamevan hatibûn desteserkirin.
Li gor agahiyên ku parêzerên rojnamevanan belav kirine dema desteserkirina wan bo 2 rojan hatiye zêdekirin.