Hewlêr (Rûdaw)- Serokê Herêma Kurdistanê, Mesûd Barzanî “Madalya Barzaniyê Nemir” da siyasetmedar û sekreterê berê yê Partiya Komonîst a Iraqê, Ezîz Mihemed.
Li gorî daxuyaniyeke Serokatiya Herêma Kurdistanê, Mesûd Barzanî spasî ked û xebata Ezîz Mihemed kir û jibilî amajedan bi nêzîkî û dostayetiya navbera Mela Mistefa Barzanî û EzîzMihemed, behsa rola niştimanperwerî û xebata mamoste Ezîz Mihemed di qonaxên cuda ji şoreşa rizgarîxwaza gelê Kurdistanê û Iraqê jî kir.
Barzanî di vê hevdîtinê de Madalya Barzaniyê Nemir pêşkêşî Sekreterê berê yê Partiya Komonîst a Iraqê kir.
Ezîz Mihemed di 1ê Tîrmeha sala 1924ê de li gundê Bêrkot ê nîzîkî Hewlêrê jidayik bûye û di destpêka sala 1940 de berê xwe da bajarê Hewlêrê û pêwendî bi partiya Hîwa kir.
Sekreterê berê yê Partiya Komonîst a Iraqê di sala 1946an de pêwendî bi wê partiyê re kiriye. Di sala 1948an de tê girtin û heta şoreşa 14ê Tîrmeha sala 1958an de di gitîgehê de dimîne.
Ezîz Mihemed di sala 1964an de wek Sekreterê partiya Komonîst tê hilbijartina û heta sala 1993an wek Sekreterê wê partiyê dimîne.
Tê zanîn, Ew siyasetmearê Başûrê Kurdistanê yek ji wan kesatiyên Komonîst e ku xelata Linînê wergirtiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse