Hewlêr (Rûdaw) – Beşek ji encama lêkolîneke bi vîdeo ya têkildarî cihên komkujiyên li Dêrsimê yên di heyama 1937-1938an de hat belavkirin.
Xebata vîdyoyê ya ku di derbarê cih û gorên bi komî yên heyama komkujiya Dêrsimê ya 1937-1938an de li ser qenala YouTube ya “Çandên Tirkiyeyê” hat belavkirin.
Lêkolîna ku Komeleya Friedrich Ebert Stiftung a li Tirkiyê piştgiriya wê dikir û di çarçoveya “Projeya Xebatên Meydanî ya Dêrsîm 1937-1938” de hate pêkanîn, Kemerê Arey (Halvoriye), Koo Spî (Zimeq) Kirniga Xalî, Serkemer/Derê Xezanî û Deştê weke cihên komkujiyê lixwe digire.
Li gorî rojnameya Dêrsimê, 5 cihên komkujiyê ku di lêkolînê de bûne mijar û tiştên li wir qewimîne, herwiha hemû bûyerên din ên komkujiyê li bendê ne ku bi berfirehî werin lêkolînkirin û ronîkirin.
Projeya lêkolînê ku di warê akademî de jî girnîg e, di bin rêveberiya Prof. Dr. Bulent Bilmez û Cemal Taş de û bi koordînatora Dr. Esengul Ayyildiz berdewam e.
Di qonaxa yekemîn a projeyê de, ku bi têgihiştineke beşdariyê hate encamdan, armanc ne ew e ku “encamên lêkolînek temamkirî pêşkêş bikin".
Xebata vîdeoyî ya hate weşandin, ji vegotinên tîma lêkolînê yên di dema seredana cîhên komkijiyê de pêk tê. Bi xebata vîdyoyê, armanc ew e ku banga beşdarkirinê û hevkariyê li kesên ku dixwazin beşdarî projeya navborî bibin bike.
Biryar e encamên lêkolînê piştî ku di parzûnek akademîk-zanistî re bêne derbaskirin, bi rêya pirtûk malperên înteraktîf ji raya giştî re bên ragihandin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse