Ava Çemê Mûnzûrê di ser re avêt û rêya Pulurê hat girtin

Dêrsim (Rûdaw) – Li Dêrsimê piştî barana ku du roj in dibare, ava Çemê Mûnzurê di ser re avêt û rêya di navbera navenda Dêrsim û navçeya wê Pulurê de ji çûnûhatinê re hat girtin.

Piştî barana gur û helîna berfê îro Çarşemê (10.04.19) di seatên sibê de ava Çemê Mûnzurê li çend cihan di ser re avêt û rê ji çûnûhatina wesayîtan re hat girtin.

Li devera Halvorî, Pira Venk û çend cihên din ji ber ava zêde wesayît niha nikarin çûn û hatinê bikin.

Herwiha welatiyên ku dixwazin bi rêya Xozat û Kemereşa herin navçeya Pulurê jî ji ber ku berfê rê girtine, nikarin herin navçeyê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger