Dîdara olan li Amûdê bi dawî hat

Amûdê (Rûdaw) - Li bajarê Amûdê yê Rojavayê Kurdistanê, ji ber şerê DAIŞê û tûndrewiya nûnerên olan ên Rojavayê Kurdistanê li hev civiyan û dîdarekê lidar xistin.

Di dîdarê de, Olên Rojavayê Kurdistanê nûnerên misilman, mesîhî û êzidî beşdar bûn.

Nûnerên olên Rojavayê Kurdistanê tekezî li ser programeke hevbeş kirin û ragihandin, êdî ew ji niha û pê de giringiyê bi xort û zarokan bidin, ji bo ku bandora tûndrewiyê li ser nifşê nû çênebe û civaka Rojavayê Kurdistanê hertim dûrî tûndrewiya olî be.

Dîdara Olan îro li Amûdê bi dawî hat û DAIŞ û ramanên tûndrew ên wê komê, beşekî sereke ji dîdarê bû.

Dîdara olan li Rojavayê Kurdistanê, di demekê de birêve diçe, ku gelek komên îslamî yên radîkal li Sûriyê çêbûne û olê weke sloganên şer bikar tînin, lê Rojavayê Kurdistanê û civaka kurdî bi giştî, ji van sloganan dûr e û hemû pêkhateyên olî, bi aştî û rêzgirtnê bi hev re dijîn, ev jî kultura kurdewarî ya redkirna tûndrewiyê ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger