Hewlêr (Rûdaw) - Li parzêgehên Wan, Colemêrg û Bedlîsê ji ber berf û pûkê rêyên 393 gundan hatin girtin.
Li gorî agahiyên hatine belavkirin, kar û barên vekirin û paqijkirina rêyan dest pê kirine.
Li Wanê 3 roj in berf dibare û di çûnûhatinê de astengî çêbûne.
Li gorî daxuyaniya ku ji aliyê Şaredariya Bajarê Mezin a Wanê ve hatiye belavkirin, li tevahiya parêzgehê ji ber berf û pûkê rêyên 152 gund û cihên niştecihbûnê hatine girtin û karûbarên vekirina rêyan berdewam in.
Îdareya Taybet a Parêzgeha Colemêrgê jî ragihand ku li tevahiya bajêr ji ber berfê rêyên 73 gund û 118 gundikan hatine girtin.
Herwiha hat gotin ku tîmên paqijkirina rêyan ji bo paqijkirinê di hewldanên xwe de berdewam in.
Rêveberê Îdareya Taybet a Bedlîsê û Xizmeta Gihandinê Umit Kurtkan jî da zanîn ji ber ku avhewaya nerênî rêyên 50 gund û cihên niştecihbûnê hatine girtin.
Kurtkan herwiha ragihand, ji bo vekirina rêyan tîmên pêwendîdar li ser karê xwe berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse