Serok Barzanî hatina Remezanê pîroz kir
Hewlêr (Rûdaw) - Serok Barzanî hatina meha Remezanê bi peyamekê pîroz kir.
Serok Barzanî di peyama xwe de got, “Ji Xwedayê mezin hêvîdar im ev meha pîroz bibê cihê xêr û bereket û aramiyê ji bo gelê me.”
Peyama Serok Barzanî ya ji bo Remezanê bi vî awayî ye:
“Bi navê Xwedayê mezin û dilovan,
Bi helkefta hatina meha pîroz a Remezanê pîrozbahiya xwe pêşkêşî hemû Misilmanên Kurdistan, Îraq û cîhanê dikim.
Ji Xwedayê mezin hêvîdar im rojî û nimêj û nizaya her kesî qebûl bike û ev meha pîroz bibê cihê xêr û bereket û aramiyê ji bo gelê me.”
Wezareta Ewqaf û Karûbarên Ayînî ya Herêma Kurdistanê ragihandibû ku li Herêma Kurdistanê sibe rojî dest pê dike.