Nêçîrvan Barzanî: Bila meha Remezanê ji bo aştî û tebayiyê bibe derfetek

Hewlêr (Rûdaw) – Serokê Herêma Kurdistanê Nêçîrvan Barzanî bi boneya hatina meha Remezanê peyamek belav kir.

Nêçîrvan Barzanî, Remezan li hemû misilmanên Kurdistan, Îraq û cihanê pîroz kir û got:

“Ez hêvîdar im ku Remezan bi xwe re aramiyê bîne û ji bo me hemûyan bibe meha xêr û xweşî û dilrehetiyê.”

Serokê Herêma Kurdistanê hêvî kir ku hemû alî ji peyamên Remezanê sûdê bibînin û ev meh ji bo tebayî, lebôrîn, xebata bihevre, aştî û niştimanê bibe derfetek.

Nêçîrvan Barzanî di dawiya peyama xwe de got, “Xwedayê mezin gelê me û welatê me biparêze û rojiya me qebûl bike.”

Wezareta Ewqaf û Karûbarên Ayînî ya Herêma Kurdistanê ragihandibû ku li Herêma Kurdistanê sibe rojî dest pê dike.

به‌بۆنه‌ى هاتنه‌وه‌ى مانگى پيرۆزى ڕه‌مه‌زانه‌وه‌، به‌ گه‌رمى و له‌ دڵه‌وه‌ پيرۆزبايى له‌ ته‌واوى موسڵمانان له‌ كوردستان و عێراق و جيهان ده‌كه‌م، هيوادارم سه‌قامگيرى و ئاسووده‌يى له‌گه‌ڵ خۆيدا بهێنێت و بۆ هه‌مووان ببێته‌ مايه‌ى خێر و خۆشى و دڵئارامى.

با هاتنه‌وه‌ى ئه‌م مانگه… pic.twitter.com/liWXeT6E1V

— Nechirvan Barzani (@IKRPresident) March 10, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger