Hewlêr (Rûdaw) - Li parêzgeha Mêrdînê di bûyereke trafîkê de 7 kes birîndar bûn.
Bûyer derengiya şeva borî li navçeya Şemrexê ya Mêrdînê çêbû.
Li ser rêya Mêrdîn-Amedê li Xaçerêya Şemrexê barhilgirek û serwîsa xwendekaran li hev qelibîn.
Di bûyerê de xwendekar û mamoste jî di nav de 7 kes birîndar bûn.
Li ser agahdarkirinê tîmên tenduristiyê, polîs û cendirme çûn cihê bûyerê.
Tîmên tenduristiyê birîndar bi ambulansan birin nexweşxaneyên parêzgehê.
Hat zanîn ku xwendekar û mamoste ji çalakiyeke li Mêrdînê vedigeriyan û diçûn Şemrexê.
Derbarê rewşa tenduristiyê ya birîndaran de tu agahî nehatine dayîn.
Her doh êvarê li parêzgeha Meletiyê jî otomobîlek wergeriya û di encamê de kesekê canê xwe ji dest da û 3 kes jî birîndar bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse