Li Urmiyê 4 girtiyên Kurd hatin bidarvekirin

Hewlêr (Rûdaw) - Li Girtîgeha Navendî ya Urmiyê ya Rojhilatê Kurdistanê 4 girtiyên Kurd bi tohmeta bazirganiya madeyên hişber hatin bidarvekirin.

Li gorî ajansa mafê mirovan a Kurdpayê, îro danê sibê 4 girtiyên Kurd ku berî niha bi tawana bazirganiya madeyên hişber bi bidarvekirinê hatibûn sizadan, li girtîgeha Urmiyê de hatin bidarvekirin.

Li gorî ajansê, girtî ji roja Sêşemê ve ji girtiyên din hatine veqetandin û bo hucreya takekesî hatine veguhestin. Hate zanîn ku 3 ji wan girtiyan xelkê Selmas û Nexede yên parêzgeha Urmiyê ne.

Rêxistina Lêborîna Navdewletî (Amnesty International) ragihand, di her du mehên destpêkê yên sala 2023an de li Îran û Rojhilatê Kurdistanê herî kêm 94 kes ku 14 ji wan Kurd in, hatine bidarvekirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger