Hewlêr (Rûdaw) - Li gorî rapora Serokatiya Budce û Stratejiyê ya Serokkomariya Tirkiyeyê, li herêma erdhejê niha 650 hezar û 71 kes di konteyneran de dijîn.
Serokatiya Budce û Stratejiyê ya Serokkomariya Tirkiyeyê derbarê herêma erdhejê de Rapora Bipêşveçûn û Jinûveavakirinê ya Erdhejên Mereş û Hatayê amade kir.
Di raporê de hat diyarkirin ku li herêma erdhejê bi giştî 395 bajarên konteyner hatine avakirin.
144 hezar konteyner li bajaran û 70 hezar jî li derveyî bajaran hatine danîn.
Bi giştî di 214 hezar konteyneran de 650 hezar kes dimînin.
Li gorî raporê, hejmara herî zêde ya ku li konteyneran dimîne li parêzgehên Hatay, Semsûr, Meletî û Mereşê ye.
Hat destnîşankirin ku heta niha 201 hezar û 431 daîre dane mexdûrên erdhejê û 189 hezar û 814 xwediyên avahiyan jî li bendê wan in.
Li parêzgehan hejmara bajarên konteyner û kesên dimînin bi vî rengî ye:
Hatay: 204 bajarên konteyner - 171 hezar û 54 kes
Semsûr: 55 bajarên konteyner - 69 hezar û 770 kes
Meletî : 75 bajarên konteyner - 80 hezar û 485 kes
Mereş: 41 bajarên konteyner - 52 hezar û 493 kes
Dîlok: 11 bajarên konteyner - 16 hezar û 601 kes
Osmaniye: 4 bajarên konteyner - 7 hezar û 82 kes
Amed: 1 bajarê konteyner - 1546 kes
Xarpêt: 1 bajarê konteyner - 812 kes
Edene: 1 bajarê konteyner - 60 kes
Riha: 1 bajarê konteyner - 10 kes
Kilîs: 1 bajarê konteyner - 3 kes
.webp&w=3840&q=75)
.webp&w=3840&q=75)
