Li Rihayê qedexeya çalakiyan hat ragihandin

Hewlêr (Rûdaw) - Li parêzgeha Riha ya Bakurê  Kurdistanê hemû çalakiyên wek meş, civîn û xwepêşandan 7 rojan hatin qedexekirin.

Parêzgariya Rihayê bi daxuyaniyekê ragihandiye ku li parêzgehê ji bilî çalakiyên ji aliyê parêzgariyê û qeymeqamtiyê ve destûr ji bo wan tê dayîn, hemû çalakî ji 10ê Sibatê heta 16ê Sibatê hatine qedexekirin.

Di daxuyaniyê de tê îdîakirin ku ew qedexe li gorî yasaya meş û xwepêşandanan bi armanca “rêgirtina li êrişan”, “parastina can û malê welatiyan” û “pêkanîna ewlehiya niştîmanî” hatiye ragihandin.

Beriya çend rojan li parêzgehên Amed, Wan, Êlih û Bedlîsê yên Bakurê Kurdistanê jî bi heman hincetê qedexeya çalakiyan hatibû ragihandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger