Hewlêr (Rûdaw) – Serokê Herêma Kurdistanê, Balyozê Brîtanyayê yê Îraqê qebûl kir.
Serokê Herêma Kurdistanê Nêçîrvan Barzanî û Balyozê Brîtanyayê yê Îraqê Stephen Hitchen li Hewlêrê li ser hilbijartinên Parlamentoya Kurdistanê û çend mijarên din civiyan.
Serokatiya Herêma Kurdistanê li ser civînê daxuyaniyek belav kir.
Serokatiyê di daxuyaniyê de da zanîn:
“Her du aliyan tekezî li ser girîngiya lidarxistin û serkeftina hilbijartinan ji bo Herêma Kurdistanê kir û hêviya serkeftinê ji bo pêvajoya dengdanê xwest.”
Serokatiya Herêma Kurdistanê li ser naveroka civînê jî got:
“Li ser pêwendiyên Hewlêr û Bexdayê her du alî li ser fikrekî bûn ku pirsgirêk bi diyalog û jihevtêgihiştinê werin çareserkirin.”
Li gorî daxuyaniyê, Nêçîrvan Barzanî “Jihevtêgihiştina Hewlêr û Bexdayê wekî kilîta aramiya Îraqê nirxand.”
Di beşeke din a civînê de Serokê Herêma Kurdistanê û Balyozê Brîtanyayî rewşa Rojhilata Navîn û metirsiya zêdebûna aloziyan gotûbêj kir.
Nêçîrvan Barzanî û Stephen Hitchen tekezî li ser wê yekê kir ku pêwîst e aramiya herêmê were parastin û ji zêdebûna şer û aloziyan dûr were rawestan.
Serokê Herêma Kurdistanê Nêçîrvan Barzanî û Balyozê Brîtanyayê yê Îraqê Stephen Hitchen li ser hilbijartinên Parlamentoya Kurdistanê civiyan#Kurdistan #Britain pic.twitter.com/8ZwILDDX6J
— RudawKurdi (@RudawKurdi) October 9, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse