Kurdistan
Duh 48emîn Civîna Giştî ya Asayî a Baroya Amedê li Navenda Kongreyan a Sezai Karakoç destpê kir û îro jî berdewam kir
Hewlêr (Rûdaw) - Di 48emîn Civîna Giştî ya Asayî a Baroya Amedê de serokê niha yê baroyê Nahit Eren dîsa weke Serokê Baroya Amedê hat hilbijartin.
Duh 48emîn Civîna Giştî ya Asayî a Baroya Amedê li Navenda Kongreyan a Sezai Karakoç destpê kir û îro jî berdewam kir.
Di hilbijartinên serokatiya baroyê serokê niha yê Baroyê Nahît Eren û Muhlîs Ogurgul û Cengîz Baysal rikeberiyê hev kirin.
Di hilbijartinê de mafê 2043 endamên baroyê yê dengdanê hebû û 1622 kesan dengê xwe bikar anîn.
Serokê niha yê baroyê Nahît Eren ku di hilbijartinê de karî ji koma dengan 872 dengan werbigire û cara duyemîn ji bo Serokatiya Baroya Amedê hat hilbijartin.
Herwiha Muhlis Ogurgul jî 656 û Cengîz Baysal jî 36 deng wergirtin.
Herwiha îro 9ê Cotmeha 2022 li baroyên Dêrsim û Rihayê yên Bakurê Kurdistanê jî hilbijartin hebûn serok û rêveberiyên nû bo wan baroyan jî hatin hilbijartin.
Li gor zanyariyên Peyamnêrê Rûdawê doh 8ê Cotmeha 2022ê Baroya Dêrsimê 12min Civîna Giştî ya Asayî saz kir û di encama hilbijartinê de Fatma Kalsen wek Seroka Baroyê hat hilbijartin ku tenê ew berbijêr bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse