Serokê PSDKê Mihemed Hacî Mehmûd ji Ako Mihemed re sersaxî xwest

Hewlêr (Rûdaw) – Serokê Partiya Sosyalîst Demokrata Kurdistanê (PSDK) ji ber wefata Hacî Mihemed Elî Gerdî bavê Rêvebirê Giştî yê Tora Medyayî ya Rûdawê ji wî re sersaxî xwest.

Duh Duşembê 8ê Tebaxê, Serokê Partiya Sosyalîst Demokrata Kurdistanê Mihemed Hacî Mehmûd di rêya peywendiyeke telefonî de têkilî bi Rêvebirê Giştî yê Tora Medyayî ya Rûdawê Ako Mihemed kir û ji ber koça dawî ya bavê wî, ji wî re sersaxîx west.

Mihemed Hacî Mehmûd herwiha hevxemiya xwe bo Ako Mihemed û malbata wî derbirî û hêvî kir ku xema wan a dawî be.

Bavê Ako Mihemed Rêvebirê Giştî yê Tora Medyayî ya Rûdawê, Hecî Mihemed Elî Gerdî roja Şembiyê 6ê Tebaxa 2022an li navçeya Soran a Hewlêrê di temenê 92 salî de koça dawî kir.

Ji ber wefa bavê wî, Serok Mesûd Barzanî, Serokê Herêma Kurdistanê Nêçîrvan Barzanî, Serokwezîr Mesrûr Barzanî, Cîgirê Serokwezîr Qubad Talebanî û serkirdeyên partiyên siyasî û herwiha nûneratiyên welatên biyanî yên li Herêma Kurdistanê di peyamên cuda de, ji Ako Mihemed re sersaxî xwestin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger