Hewêr (Rûdaw) - Li navçeya Giyelaneyê ya Kirmaşanê cenazeyê kesekî 70 salî li ser çiyê hat dîtin.
Li gorî zanyariyên Birêveberiya Polîsê Giyelanê ,ew kes ji çiyê ketiye û jiyana xwe ji dest daye.
Birêveberê Polîsê Giyalanê Mensûr Ehmedî eşkere kir ku cenazeyek li çiyayên gundê Germawê yê Giyalanê hat dîtin û ji bo Saziya Tiba Edlî hat veguhastin.
Mensûr Ehmedî da zanîn ku li gorî lêkolînên destpêkê derketiye holê ku ew kesê cenazeyê wî hatiye dîtin 70 salî ye û ji çiyê ketiye xwarê.
Mensûr Ehmedî amaje bi wê yekê jî kir ku ew welatiyê miriye ji bo çiyageriyê çûye herêmê û li ji ber sedemeke nediyar ji çiyê ketiye û canê xwe ji dest daye.
Mensûr Ehmedî eşkere kir ku tîmên wan li ser bûyerê dest bi lêkolînê kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse