Hewlêr (Rûdaw) - Li parêzgeha Bedlîsê ya Bakurê Kurdistanê otomobîla cotkariyê li dîreka elektirîkê qelibî, 8 zarok birîndar bûn.
Otomobîla ji nav zeviya çandiniyê vedigeriya, li bajarokê Kiştonikê yê Bedlîsê li dîreka elektirîkê ya li kêleka rê qelibî û wergeriya.
Di qezayê de 8 zarokên temenê wan di navbera 15-16 salî de ku ji ser kar vedigeriyan malê birîndar bûn.
Li ser agahdarkirinê cendirme û tîmên tenduristiyê çûn cihê qezayê.
Tîmên tenduristiyê zarokên birîndar bi ambulansan veguhestin nexweşxaneyên navçeyên Hîzan û Tetwanê.
Herwiha şofêrê otomobîlê Mehmet Tirel jî bi sivikî birîndar bû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse