Termê koçberê Efrînî yê ku di deryayê de xeniqîbû hate veşartin

Hewlêr (Rûdaw) - Li Efrînê termê koçberekî ku di Deyaya Egeyê de ku canê xwe de ji dest dabû, bi axê hate sipartin.

Li gorî zanyarî û dîmenên taybet ku ji bajarê Efrînê gihiştine Tora Medyayî ya Rûdawê diyar dikin ku îro Sêşemê 09ê vê meha Gulanê, li goristana Zeydiyê ya bajarê Efrînê, termê koçberê Efrînî yê bi navê Mihemed Ednan bi axê hate sipartin.

Mihemed Ednan li gel hevjîna xwe dixwest bi rêya Deryaya Egeyê ji Îzmîrê derkeve, ji bo bigihêje welatekî Ewropoya, lê belema wan binav bû û Mihemed Ednan canê xwe ji dest da û hevjîna wî hate veguhestin bo nexweşxaneyê.

Roja Sêşemê bi rêya Deriyê Sînorî yê Bab El-Selamê cenazeya Mihemed Ednan gihişte Efrînê û li Goristana Zeydiyê hate veşartin.

Mihemed Ednan weke sedên hezaran welatiyên Sûriyê û Rojavayê Kurdistanê, dilê xwe bi jiyaneke azad birûmet û xweştir xweş dikir, lê ew armanca wî û malbata wî bicih nehat û li ser milan hate vegerandin bo Efrînê, cihê jidayikbûn û zaroktî û ciwaniya wî.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger