Hewlêr (Rûdaw) – Serok Mesûd Barzanî bi boneya hatina Cejna Remezanê peyamek belav kir û got, “Hêvîdar im ev cejn bibe wesileya aramî û aştiyê ji bo gelê Kurdistanê û hemû cîhanê.”
Serok Mesûd Barzanî bi peyameke nivîskî Cejna Remezanê pîroz kir.
Serok Barzanî di peyama xwe de got:
“Bi boneya hatina Cejna Remezanê ya pîroz, ez pîrozbahiyeke germ li hemû Misilmanên cîhanê, Îraq û Kurdistanê dikim.
Vê cejnê li malbatên serbilind ên şehîdan, Pêşmergeyên qehreman û hemû welatiyên Kurdistanê pîroz dikim.”
Serok Barzanî herwiha wiha hêviya xwe anî ziman:
“Di vê cejna pîroz de, ez ji Xwedayê mezin dixwazim ku rojî û îbadetên hemû Misilmanan qebûl bike.
Hêvîdar im ev cejn bibe wesileya aramî û aştiyê ji bo hemû cîhan û herêma me û bextewerî û aramiyê ji bo gelê Kurdistanê bîne.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse