Li Sêrtê 2 kes bi hinceta PKKyê hatin desteserkirin
Hewlêr (Rûdaw) - Li parêzgeha Sêrtê ya Bakurê Kurdistanê polîsan bi ser du navnîşanan de girt û di encamê de 2 kes hatin desteserkirin.
Li gorî agahiyan şeva borî li parêzgeha Sêrtê polîsan bi ser du malan de girtiye.
Du kesên bi navê Serhat Baykara û Yusuf Ozbay bi hinceta “propagandeya rêxistinê” hatin desteserkirin.
Her du kesên ku hatine desteserkirin birin Rêveberiya Ewlehiyê ya bajêr.
Li seranserî Tirkiye û Bakurê Kurdistanê desteserkirin û girtinên bi hinceta PKKyê berdewam in lê beriya hilbijartinan ev yek zêdetir bûye.