Hewlêr (Rûdaw) - Li navçeya Bêrecûkê ya parêzgeha Rihayê ya Bakurê Kurdistanê agir bi malekê ket û di bûyerê de kesek birîndar bû û 4 kes jî ji ber dûmanê bi jehrî ketin.
Li gorî zanyariyan di avahiyeke 5 qatî ya li taxa Meydanê ya navçeya Bêrecûkê ji ber sedemeke nediyar agir bi malekê ket.
Di bûyerê de welatiyê bi nave Ahmet Korkmazler birîndar bû û 4 welatiyên din ên bi navên Hediye (34), Damla (11), Recep (28) û Nazîre Çelîk jî ji ber dûmanê bi jehrî ketin.
Li ser agahdarkirinê tîmên tenduristiyê çûn cihê bûyerê û her 4 kesên bi jehrî ketine û welatiyê birîndar rakirin Nexweşxaneya Dewletê ya Bêrecûkê.
Hat ragihandin ku rewşa Ahmet Korkmazler giran e û ji bo nexweşxaneyeke Rihayê hatiye veguhastin.
Agirê ku bi malê ketibû piştî demekê ji aliyê tîmên agirvemirandinê hat kontrolkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse