Hewlêr (Rûdaw) - Hêzên Tikriye gundê Bîne li navçeya Şêrewe û gundê Keştar li navçeya Şera li Efrînê topbaran kirin, hevdem gundên Cîşan, Xirabîsan, Cariqlî û Qeremox li gundewarê Kobanî topbaran kirin.
Li gor çavkaniyên Rêveberiya Xweser, êvara 8ê Barfanbarê hêzên Tikriye gundê Bîne li navçeya Şêrewe û gundê Keştar li navçeya Şera li Efrînê ku hêzên hikûmetê li wan dimînin topbaran kirin, hevdem gundên Cîşan, Xirabîsan, Cariqlî û Qeremox li gundewarê Kobanî ku hêzên hikûmetê li wan dimînin topbaran kirin.
6ê Barfanbarê jî, hêzên Tirkiye gundê Dêr Cemalê ku hêzên Kurdî û yên hikûmetê lê dimînin topbaran kirin, di encam de zerar gihan mal û milkê xelkê.
Hêzên Tirkiye bajarokê Zirganê û gundên Rebîat, Xirbet Şiîr û Til el-Werd li gundewarê navçeya Til Temirê ya bakurê rojavayê heseke bi dijwarî topbaran kirin.
Li gor çavkaniyên Rêveberiya Xweser, êvara 8ê Barfanbarê hêzên Tirkiye bajarokê Zirganê û gundên Rebîat, Xirbet Şiîr û Til el-Werd li gundewarê navçeya Til Temirê ya bakurê rojavayê heseke bi dijwarî topbaran kirin, di encam de pêleke derbiderbûna xelkê navçeyê ber bi navçeyên aram ve dest pê kir.
7ê Barfanbarê jî, hêzên Tirkiye gundên Gozeliyê û Tewîle li navçeya Til Temir topbaran kiribûn, di encamê de zerarên zêde giha bûn mal û milkên xelkê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse