Pêşwaziya Mesrûr Barzanî li Mistefa Kazimî
Hewlêr (Rûdaw) – Serokwezîrê Iraqê Mistefa Kazimî li gel şandeke pilebilind a serbazî li Hewlêrê ye û li navenda operasyonên hevbeş li gel Serokwezîrê Herêma Kurdistanê Mesrûr Barzanî civiya û mijareke sereke operasyonên hevbş ên dijî DAIŞê bû ku îro destpêkirin.
Li gor daxuyaniya Serokwezîriya Herêma Kurdistanê, di civîna Mesrûr Barzanî û Mistafa Kazimî de dawî pêşhat û guhertinên piştî hilbijartinê yên li Iraqê hatin gotûbêjkirin.
Di civînê de tekezî li ser girîngiya seqamgiriya rewşa Iraqê, geşepêdana rewşa aborî û çareserkirina bingehîn ji bo pirsgirêkên hatine paşxistin ên di navbera Hewlêr û Bexdayê de.
Zêdebûna êrişên DAIŞê di vê heyama dawî de mijareke din a civînê bû û li gor daxuyaniyê, ji bo bidawîkirina êriş û metirsiyên DAIŞê, tekezî li ser girîngiya hewl û şiyanên bihêzkirina hevahengiya di navbera Pêşmerge û artêşa Iraqê de hat kirin.
Ev di demekê de ye ku îro Pêşmerge û artêşa Iraqê ji bo paqijkirina DAIŞê ji wan herêmên di kevin navbera herdu hêzan ku DAIŞê ji bo êrişên xwe bikar tîne, dest bi operasyonên hevbeş kirin.
Operasyona hevbeş a Hêzên Pêşmerge û Artêşa Iraqê îro li Mîhwera Yek a Germesêr û Mîhwera Du a Qeretepe dest pê kir.
Di çarçova operasyonê de ji mîhwera Germesêr ve lîwayên 3 û 5 ên piyade û ji mîhwera du a Qeretepe ve jî lîwayên 9 û 17 yên piyade yên ser bi Wezareta Pêşmerge ve, li gel hejmareke yekîneyên hêzên 70 beşdar in.
Civîna Serokwezîrê Iraqê Mistefa Kazimî û Serokwezîrê Herêma Kurdistanê Mesrûr Barzanî li #Hewlêr`ê
— RudawKurdi (@RudawKurdi) December 8, 2021
Mijara sereke ya civînê destpêkirina operasyonên hevbeş ên li dijî DAIŞê ne
Zanyariyên zêdetir: https://t.co/P6qJQ4grCK pic.twitter.com/J63uJfLxxY
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse