Hêmin Ebdullah\ Wêne: Rûdaw
Hewlêr (Rûdaw) - Li Londona paytexta Brîtanyayê konferansek li ser paşeroja medyayê tê lidarxistin û tîmeke Rûdawê jî tevlî konferansê bûye
Pêşkeşkarê Bernameya Diasporayê ya Rûdawê Hêmin Ebdulah tevlî konferansê bûye.
Hêmin Ebdulah tevlî Bultena 16an a Rûdawê bû û li ser konferansê axivî.
Hêmin Ebdulah diyar kir ku wekî Rûdaw medyayeke mezin a cihan û Rojhilata Navîn e û her demê sûdê ji pêşketinên dawî yên di warê medyayê werdigire.
Her wiha Hêmin Ebdullah behsa konferansê kir û wiha axivî:
"Paşeroja medyayê ji bo ku dezgeha herî mezin a medyaya Kurdistanê û yek ji medyayên herî mezin ên herêmê girîng e.
Dezgehên herî mezin ên cihanê dê 2 rojan li konferansê behsa paşeroja medyayê bikin.
Pêşhatên dawî yên di warê medyayê de, hişê çêkirî û bandorê wê ya li ser medyayê, derfetên xebata medyayê di paşerojê de û metirsiyên li ser medyayê mijarên serekî yên konferansê ne.
Kesên pispor û şareza dê bi hurgilî li ser van babetan di konferansê de biaxivin.”
Rûdaw tevî dezgehên mezin ên wekî Google, TikTok Sky News û Samsungê tevlî konferansê dibe.
Hêmin Ebdulah da zanîn ku di konferansê de dê derfeta Rûdawê hebe ku gotûbêj û hevahengiya zêdetir bi tîma saziyên medyaya navneteweyî re pêk bîne da ku Rûdaw ji wê ew hevkarî û pêşhatên nû zêdetir sûde bistîne.
Îro di konferansê de çend pisporên Samsungê li ser hişê çêkirî semînerek pêşkêş kir.
Hêmin Ebdulah diyar kir ku Kurdistan xwedî dîrokeke dewlemend e ku kêm neteweyên cîhanê xwediyê dîrokeke wisa dewlemend in.
Li gorî gotina Hêmin Ebdulah, bi saya hişê çêkirî derfet heye ku gelek aliyên veşartî yên wê dîrokê bên eşkerekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse