Serokê Herêma Kurdistanê ji bo Îmarata Erebî hat vexwendin
Hewlêr (Rûdaw) - Serokê Herêma Kurdistanê, Konsulê Giştî yê Îmarata Erebiyê yê Herêma Kurdistanê qebûl kir.
Konsulê Giştî yê Îmarata Erebî Ehmed Îbrahîm El-Zahirî, Serokê Herêma Kurdistanê Nêçîrvan Barzanî vexwend Îmarata Erebî ku tevlî Lûtkeya Cîhanî ya Avhewayê (COP28) bibe.
Serokê Herêma Kurdistanê Nêçîrvan Barzanî, Konsulê Giştî yê Îmarata Erebî yê Herêma Kurdistanê Ehmed Îbrahîm El-Zahirî pêşwazî kir.
Serokatiya Herêma Kurdistanê li ser civînê daxuyaniyek belav kir.
Di daxuyaniyê de hat diyarkirin Konsulê Giştî yê Îmarata Erebî vexwendnameya Serokê Îmarata Erebî Mihemed Bin Zayid El Nehyan pêşkêşî Serokê Herêma Kurdistanê Nêçîrvan Barzanî kir ku beşdarî Lûtkeya Avhewayê ya Cîhanî (COP28) bibe.
Lûtkeya Avhewayê ya Cîhanî (COP28) dê di 1 û 2ê Kanûna Pêşîn de li Expo Citya Dubaiyê were lidarxistin ku hevdem e bi roja neteweyî ya Îmarata Erebiyê re.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse