Pîvazên Amûdê têne berhevkirin

Amudê (Rûdaw) – Li bajarê Amûdê yê Rojavayê Kurdistanê niha dema berhevkirina pîvazan e.

Zeviyên Bajarê Amûdê bi berhemdana pîvazan navdar in.  Li Amûdê, pîvaz di meha Sibatê têne çandin û di meha Îlon û Cotmehêd e tên berevkirin.

Piraniya caran mewsimê pîvazan bi destê karkerên koçber, ku xwe li bajar girtine, tê berhevbkirin.

Cotyar, piştî çandina kixsên pîvazan, wan 7 mehan av didin û xizmetê li wan dikin, lê bi gotina wan  pîvaz erzan tên firotin û dahata wan ne li gorî ked û cefaya wan e.

Bazirganên pîvazan berhemên cotyaran li ser Qapanê dikêşin û bi Otombîlên barhilgir wan vediguhêzin û di embaran de kom dikin.

Pîvazên ku ji cotyaran têne kirîn li embarên taybet têne bicîkirin û piştî demekê, bazirgan wan dadixin bazarên navxwe yan jî ji bo deverên din ên Sûriyê tên şandin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger