5 pirtûkên Mela Nûriyê Hesarî hatin belavkirin

Hewlêr (Rûdaw) - Li bajarê Qamişloyê yê Rojavayê Kurdistanê, 5 pirtûkên helbestvan, zimanzan û nivîskarê Kurd Mela Nûriyê Hesarî hatin çapkirin û belavkirin.

Bi vê helkeftê jî bi amadebûn û beşdariya hinek rewşenbîr, nivîskar û siyasetmedaran li Mala Seydayê Cegerxwîn û li ber gora wî, wekî rêzgirtin merasîmek hat lidarxistin.

Pirtûka “Hostanîbêja Zarhaweyên Kurdî” ya Mela Nûriyê Hesarî, ji aliyê Zeynilabidîn Zinar ve hatibû amadekirin.

Çar pirtûkên din ji aliyê nivîskar û helbestvan Dilawerê Zengî ve ji bo çapê hatin amadekirin.

Ew berhemên nû yên Mela Nûriyê Hesarî jî ev in:

Her du dîwanên 3 û 4 ên Mela Nûriyê Hesarî

Axlîma (Pêlên helbesta kurdî) (Erûz)

Zanhaweya Pêxember (Mewlûd)

Hostanîbêja Zarhaweyên Kurdî (Ziman)

Mela Nûriyê Hesarî di nav nivîskarên wêjeya Kurdî de cihekî pir girîng digire.

Di nava Kurdan de, ew bi nasnavê Seydayê Pirêşan tê naskirin.

Di berhem û nivîsandinên xwe de, ew nivîskarekî pir rengereng bû, berhemên wî di warên ziman, ferheng, helbest, çîrok û wergerandinê de hene.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger