Şer li derdora Efrînê berdewam e
Navenda Nûçeyan – Şer û pevçûn li derdora Efrînê berdewam e û li gorî zanyariyan, di navbera YPGê û DAIŞê de li 3 gundên derdora Efrînê pevçûnên giran didom in.
Li herêmên başûrê Efrînê şer û pevçûnên giran di navbera Hêzên Sûriya Demokratîk (HSD) û çekdarên DAIŞê de berdewam in û Artêşa Sûriya Azad bi piştavaniya Artêşa Tirkiyê 4 gund kontrol kir.
Ji 2 rojan ve Artêşa Tirkiyê êrîşî ser navendên YPGê li devera Efrînê û bi taybetî li bajarokê Raco dike.
Li gorî çavkaniyên xwecihî Artêşa Tirkiyê bi hawin, tank û firokeyan gundê Sorka li bajarokê Raco yê Efrînê topbaran dike, ku di encama wê topbaranê de li gorî çavkaniyeke pizîşkî 6 şervanan jiyana xwe ji dest dane û 8 sivîl jî birîndar bûne.
Ji aliyekî din ve li devera başûrê Efrînê şer û pevçûnên giran di navbera HSD û çekdarên DAIŞê de li derdora her sê gundên Hirbil, Um Hoş û Um Qura berdewam dikin.
Di heman demê de li gorî çavkaniyên xwecihî Artêşa Tirkiyê her 4 gundên Sendî, Eyyûbiyê, Elroda, Til Elhewa kontrol kirin, piştî ku çekdarên DAIŞê ji wan her 4 gundên navborî vekişiyan.
Her di vê derbarê de komên radîkal, taxa kurdnişîn a Şêx Meqsûd li bajarê Helebê bi roketên Katyoşa û topxaneya cehenemê topbaran kirin.
Di encamê de û li gorî çalakvanên xwecihî, doktorê herî dawî yê li taxa Şêx Meqsûd welatiyê bi navê Şahid Cimyan ji ber topbarana komên radîkal jiyana xwe ji dest da û 4 sivîl din jî birîndar bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse