Li Şirnexê leşkerekî Tirkiyeyê canê xwe ji dest da

Hewlêr (Rûdaw) – Wezareta Parastinê ya Tirkiyeyê ragihand ku li parêzgeha Şirnexê ya Bakurê Kurdistanê leşkerekî canê xwe ji dest da.

Li gorî daxuyaniya Wezareta Parastinê ya Tirkiyeyê, li Şirnexê çawîşê pispor ê bi navê Muhammet Kalaz dema li ser wezîfeya xwe bû, ji nişka ve nexweş ket û krîza dil lê da.

Di daxuyaniyê de hat gotin ku Muhammet Kalaz li nexweşxaneyê canê xwe ji dest da.

Li aliyê din, Wezîrê Karên Navxwe yê Tirkiyeyê Alî Yerlîkaya jî derbarê mirina Kalaz peyamek belav kir.

Alî Yerlî ragihand ku Kalaz di dema lêgerînê ya li Şirnexê de nexweş ketiye.

Muhammet Kalazê 27 salî ku mehekê berê li Şirnexê hatiye wezîfedarkirin, bi eslê xwe ji navçeua Safranboluyê ya Karabukê ye.