Pêşmergeyekî ji ber birûskê canê xwe ji dest da
Hewlêr (Rûdaw) – Wezareta Pêşmergeyan da zanîn ku îro berê sibehê birûskê li Pêşmergeyekî daye.
Wezaretê destnîşan kir ku dema ew Pêşmerge li ser erkê xwe bû birûskê lê daye û wî canê xwe ji dest daye.
Li gorî daxuyaniyê, bûyerê saet 06:00ê sibehê li gundê Castanê rû daye.
Hat ragihandin ku navê wî Pêşmergeyî Ebdulxefûr Kewşû Mihemed e.
Ebdulxefûr Kewşû Mihemed ji qezaya Xebatê ya Hewlêrê bû û bavê çar zarokan bû.