Hewlêr (Rûdaw) - Saziya Keşnasiyê ya Tirkiyeyê ragihand ku ji bilî Îdir û Erdexanê li tevahiya bajarên Bakurê Kurdistanê barana gur dibare, li hejmarek bajarên Serhedê jî berf dibare.
Saziya Keşnasiyê ya Tirkiyeyê ji bo bajarên Wan, Şirnex û Colemêrgê di asta zer de hişyariya baranê da.
Herwiha li derdora bajarên Amed, Mêrdîn, Êlih û Sêrtê jî barana gur dibare û li herêmên bilind ên Erzirom, Qers û Wanê jî berf dibare.
Ji bo welatiyên ku li van bajaran dijîn hişyariya lehî, birûsk, zîpik, pirsgirêkên trafîkê û ji bo herêmên bilind hişyariya aşûtê hatiye dayîn û daxwaz hatiye kirin ku welatî tedbîrên pêwîst wergirin.
Li gorî Saziya Keşnasiyê pileya germahiyê bi awayekî cidî naguhere û dê li gorî asta demsalê be.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse