Serokê Ofîsa Pêwendiyên Giştî ya Komîteya Mafên Mirovan a li Sûriyeyê/Wêne: Rûdaw
Hewlêr (Rûdaw) - Rêveberiya Xweser a Rojavayê Kurdistanê bi minasebeta Cejna Remezanê, efûya giştî ragihand.
Roja şemiyê, Encûmena Gelan a Demokratîk a Rêveberiya Xweser li Rojavayê Kurdistanê yasaya efûya giştî pejirand.
Ev yasaya efûyê ji xeynî tawanên terorê, madeyên hişbir û tawanên bêexlaqî hemû tawanên berî pejirandina yasayê li xwe digire.
Girtina endamên PDK-S û ENKSyê
Lê tenê çend rojan berî pejirandina yasayê û di nava hefteyekê de, hêzên Asayişa Rêveberiya Xweser a Rojavayê Kurdistanê, 4 endamên ENKS û PDK-Syê girtin.
Endamên PDK-S û ENKSyê yên hatine girtin ev in:
Endamê PDK-Syê Rakan Ehmed 29ê Adarê li Girkê Legê hatiye girtin
Herwiha 1ê Nîsanê Endamê ENKSyê Merwan Hisên li Girkê Legê û Endamê Partiya Gel û ENKSê Hesam Dorsin li Dêrikê hatin girtin.
Li aliyê din, Endamê PDK-Syê Ehmed Sofî li ser rêya Dêrikê hat girtin.
Endamên PDK-S û ENKSyê piştî bidawîhatina dema wergrtina destûra partiyan a li Rojavayê Kurdistanê hatin girtin.
Di derbarê girtinê û yasaya efûyê de, Serokê Ofîsa Pêwendiyên Giştî ya Komîteya Mafên Mirovan a li Sûriyeyê (MAF) ji Rûdawê re axivî.
“Gotina azad di ser her tiştî re ye”
Serokê Ofîsa Pêwendiyên Komîteya Mafên Mirovan Mehmûd Eyûb got:
"Em bi giringî lê dinêrin. Xeletiyeke mezin kirine. Çawa tu efûyekê derdixî û dûvre 4 kesên xwediyê gotina azad dixî zindanê.
Em hêvî dikin ku ew kes bi lezgînî werin berdan. Ez vê yekê ne wekî şexsekî dibêjim.
Em bi navê Komîteya Mafên Mirovan a li Sûriyê (MAF) dibêjin divê ev mesele li hemû Sûriyeyê çareser bibe.
Ji vê meseleyê re alîkar bin û gotina azad di ser her tiştî re ye."
Girtina endamên PDK-S û ENKS piştî bidawîhatina dema destnîşankirî ya wergrtina destûra kar a partî û rêxistinan a li Rojavayê Kurdistanê hatiye.
Encûmena Niştimaniya Kurd (ENKS) tekez kiribû ku ew destûra kar ji Rêveberiya Xweser wernagirin.
Li Rojavayê Kurdistanê efûya giştî hat ragihandin
Meclisa Gelan a Demokratîk a Herêma Bakur û Rojhilatê Sûriyeyê di civîna xwe de bi boneya Cejna Remezanê efûyek derxist.
Meclisa Gelan Demokratîk a Herêma Bakur û Rojhilatê Sûriyeyê ku bi ser Rêveberiya Rojavayê Kurdistanê ve ye civîna xwe ya 96an li dar xist.
Di civînê çend projeyasayên girêdayî kar û hilbijartinên şaredariyan û efûya giştî hat gotûbêjkirin.
Di civînê de Meclisa Gelan a Demokratîkê biryareke efûyê erê kir.
Li gorî biryarê dê sûcên beriya 6ê Nîsana 2024an hatine kirin, bên efûkirin.
Ev yasaya efûyê ji xeynî tawanên terorê, madeyên hişbir û tawanên bêexlaqî hemû tawanên berî pejirandina yasayê li xwe digire.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse