Hewlêr (Rûdaw) - Serok Mesûd Barzanî peyamek bi boneya hatina cejna Qiyamê belav kir û tê de got: “Ez hêvî dikim ku ew fersend bibe sedema xurtkirina biratiyê.”
Serok Mesûd Barzanî îro Şemiyê 8ê Nîsana 2023yan peyamek bi boneya hatina cejna Qiyamê belav kir û tê de pîrozbahî li Mesîhiyên Herêma Kurdistanê, Iraq û cîhanê kir.
Di peyama xwe de Mesûd Barzanî dibêje: “Bi boneya hatina cejna Qiyamê, germtirîn pîrozbahiyên xwe pêşkêşî xwişk û birayên me yên Kirîstiyan li Kurdistan, Iraq û hemû cîhanê dikim.”
Barzanî got: “Ez hêvî dikim ku ew fersend bibe sedema xurtkirina biratî û tebayê di navbera hemû netewe û peyrewên hemû olan de li navçeya me. Bi vê boneyê hêviya aştî, şadî û bextewariyê ji hemû xwişk û birayên me yên Kiristiyan re dixwazim. Cejna we pîroz be û bimînin di xêr û xweşiyê de.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse