Hewlêr (Rûdaw) - Ekîbên Îdareya Taybet a Bajarê Mûşê di werza zivistanê de bi armanca ku rêyên berfê girtibûn vekin li ser karê xwe bûn. Ligel biharê karê ekîbê neqediya û di meha nîsanê de wan rêya gundê Uçevlerê di nav 5 rojan de vekir.
Tîma girêdayî Rêveberiya Xizmetên Rê û Gihandinê ji bo vekirina rêya gundê Uçevlerê 5 roj berê dest bi xebatê kirin.
Li herêma raqima wê 2 hezar û 500 e ligel metirsiya aşûtê tîma rêvekirinê dest bi xebatê kir, lê ji ber bahoz û cemedê zehmetî kişandin.
Li ser rêya ku hin deverên wê ji 5 metreyan zêdetir berf hebû û makîneyên rêvekirinê di nav de winda bûn xebatê dest pê kir. Di encama xebata 5 rojan dewam kir de rêya pê digihêjin 10 gund û 21 goman hat vekirin.
Parêzgarê Mûşê Îlker Gunduzoz daxuyanî bi bîr xist ku ji bajarên li hemberî berfê herî zêde xebat lê tê kirin yek jê Mûş e û got: "Ekîbên Îdareya Taybet a Bajêr ji bo rêvekirinê xebatên xwe didomînin. Li herêma Uçevlerê di navbera 7 û 10 metreyî de berf kom dibe."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse