Hewlêr (Rûdaw) – Polîsan li navçeya Geverê ya Colemêrgê ala û flamayên DEM Partiyê anîn xwarê.
Polîs şeva borî li Taxa Ormanê ya Geverê bi wesayîteke leşkerî ya zirxpoş geriyan û ala û flamayên DEM Partiyê yên li kolanan daleqandî anîn xwarê.
31ê Adarê dê li Tirkiye û Bakurê hilbijartinên xwecihî werin kirin.
DEM Partiyê ev ala û flama çend roj berê ji bo hilbijartinan li kolanan daleqandibûn.
Hilawistina van alayan tiştekî yasayî ye û ti asteng li berê nînin lê polîsan dîsa jî ew jê kirine û anîne xwarê.
Li gorî nûçeya MAyê, xelkê dîtiye ku polîs bi wesayîtên zirxpoş alayan tînin xwarê û wêneyên wan girtine û ev wêne belav kirine.
Xelkê herwiha bertek nîşanî polîsan daye û gotiye em dê taxa xwe bi alayên zêdetir bixemilînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse