Hewlêr (Rûdaw) – Hêzên Sûriya Demokratîk (HSD) li herêma Dêrezorê emîrekî DAIŞê ku bi kefalet hatibû berdan dîsa girt.
Li gorî çavkaniyên xwecihî hêzên Sûriya Demokratîk (HSD) emîr û berpirsekî bilind yê DAIŞê li gundewarê Dêrazorê girtine.
Navê emîrê DAIŞê Muhened El-Seray El-Bixît e û li gundê El Sebha yê rojhilatê bajarê Dêrazorê dima.
Ev emîrê DAIŞê ev cara sêyemîne tê girtin, cara yekem li ser daxwaza rûspiyên eşîran bi kefalet hatibû berdan û piştî berdanê bi çend rojan gule ji pismamê xwe reşandibû û ji ber wê careke din hate girtin û piştî salekê dîsa hat berdan.
Di van rojên dawî de jî piştî wê bûyera ku hinek kesên nenas gule li rêbendeke kontrolê ya HSDê li nêzî gundê El-Sebha reşandin, şervanên HSDê careke din ew kes girtin.
Li gor daxuyaniya HSDê duh Şervanên Meclîsa Leşkerî ya Hejînê ya girêdayî Hêzên Sûriyeya Demokratîk 2 çekdarên DAIŞê ku kemberên teqîner li xwe kiribûn û ji bo çalakiyan li bajarokê Zibyan ê gundewarên rojhilatê Dêrazorê, xwe amade kiribûn, girtin.
Di daxuyaniya HSDê de hate gotin: “Yek ji waj ji Iraqê ye û yê din jî ji Tirkistanê ye. Şervanan dest danîn ser hejmarek çek, cebilxane, alavên pevgihandinê û belgeyên piştrast dikin ku ew çekdar ji herêmên dagirkirî yên bakurê Sûriyê ku jêr serweriya dagirkeriya Tirk de ne, hatine.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse