Li Rihayê 101 koçberên Sûrî hatin girtin
Hewlêr (Rûdaw) - Li navçeyên Eyyubiyê û Haranê yên ser bi parêzgeha Rihayê ya Bakurê Kurdistanê ve di nav du malan de 101 koçberên Sûrî hatin desteserkirin û 3 kes jî bi îdîaya qeçaxçîtiya koçberan hatin desteserkirin.
Li gor agahiyan roja Yekşemê 8ê Çileya 2023an li navçeyên Eyyubiye û Haranê yên ser bi parêzgeha Rihayê ve tîmên Fermandariya Cendermeyan a Rihayê di kontrola di malan de 101 koçberên Sûrî girtine.
Herwiha bi îdîaya qeçaxçîtiya koçberan jî 3 kes hatine desteserkirin.
Koçberên Sûrî yên desteserkirî bo Navenda Îdareya Koçê ya heman bajarî hatine şandin û kar û barên yasayî yên 3 kesên desteserkirî jî berdewam in.