Rojhilat – Kamyonê li keriyê pez da: Bi dehan mî hatin kuştin

Sine (Rûdaw) – Li nêzîkî bajarê Bîcarê yê Rojhilatê Kurdistanê, kamyonekê li keriyê pez da, bi dehan ser pez hatin kuştin.

Duh (6ê Mijdarê) ber bi êvarê, li gundê Selwetava yê girêdayî bajarê Bîcarê yê Rojhilatê Kurdistanê, li ser pira gund kamyonekê li keriyê pez da.

Li  gorî medyaya herêmî, di bûyerê de derdora 100 pezî hatin kuştin, şofêrê kamyonê jî piştî bûyerê reviya.

Qayîmeqamê Bîcarê serdana cihê bûyerê kir û got, şofêrê kamyonê reviyaye lê kamyona wî hatiye tiqûfkirin û lêkolîn derheqê bûyerê de dest pê kiriye.

Gundê Selwetava 15 km dûrî bajarê Bîcarê yê eylaeta Sine ya Rojhilatê Kurdistanê ye. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger