Tirkiyê teqe li gundê Perex a Zaxoyê kir

Hewlêr (Rûdaw) - Hêzên Tirkiyê teqe li gundê Perex ê ser bi nahyeya Dêrkarê li Zaxoyê kir, nişteciyekî wî gundî dibêje ku ziyanên darayî gihîştine cotkarên gund.

Nişteciyê gundê Perexê Şivan Ebdî vîdeo ji Rûdawê re şandine û ragihand ku îro piştî nîvro hêzên Tirkiyê bi doçkayan teqe li derdora gundê wan kiriye û agir bi navçeyeke li nêzîkî gund ketiye.

Şivan Ebdî li ser ziyanan got ku ji ber agir, rez û bîstanên çend cotkaran şewitîne û ziyan gihîştiye nêzîkî 10 cotkaran, her wiha tirs jî ji bo xelkê gund çêbûye.

Berî çend mehan gundê Perex ji aliyê Tirkiyê ve hat topbarankirin û 9 geştyarên Ereb canê xwe ji dest dan û 29 kes jî birîndar bû ku ew yek gelek karvedanên navxweyî û derve li pey xwe anî.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger