Hewlêr (Rûdaw) - Şandeya aboriyê ya girêdayî Serokwezîriya Îraqê hat Hewlêra paytexta Herêma Kurdistanê.
Şandeya Îraqê ya bi serokatiya Wezîrê Karên Derve Fuad Husên û bi beşdariya Wezîra Darayiyê ya Îraqê Teyf Samiyê gihîşte Hewlêrê.
Li gorî zanyariyên ku ketine destê Rûdawê, lijneya aboriyê ya Îraq û Herêma Kurdistanê dê sibê dest bi gotûbêjan bike.
Serokwezîrê Herêma Kurdistanê Mesrûr Barzanî jî dê beşdarî civînan bibe.
Mafên destûrî, mafên darayî û budceya Herêma Kurdistanê dê mijarên sereke yên civînan bin.
Di civînan de, çareserkirina mafên darayî yên Herêma Kurdistanê û mijara budceyê dê li gorî destûrê bên gotûbêjkirin.
Civîn dê bi beşdariya Alîkarê Serokwezîr û Wezîrê Plandanînê Mihemed Elî Temîm, Wezîra Darayiyê Teyf Samî, Wezîrê Bazirganiyê Esîr Dawid Selman, Wezîrê Xebat û Karûbarên Civakî Ahmet Casim Sabîr, Sekreterê Giştî yê Serokwezîriyê Hemid Nayim, Serokê Banka Navendî ya Îraqê Elî Alaq û gelek rayedarên din were lidarxistin.
Şandeya Îraqê ya bi serokatiya Wezîrê Karên Derve yê Îraqê Fuad Husên gihîşt Hewlêrê
— RudawKurdi (@RudawKurdi) September 7, 2024
Wezîra Darayî ya Îraqê Teyf Samî jî di nav şandeyê de ye pic.twitter.com/Me6UM12BDB
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse