Hewlêr (Rûdaw) - Serokê Herêma Kurdistanê Nêçîrvan Barzanî, bi Komîseriya Bilind a Mafên Mirovan a Neteweyên Yekbûyî (NY) re civiya.
Barzanî di civînê de anî zimên ku “Herêma Kurdistanê bi biryar e ku azadiya raderbirînê biparêze.”
Nêçîrvan Barzanî, Komîserê Bilind ê Mafên Mirovan ê NYyê Volker Turk û şanda pê re li Hewlêrê qebûl kirin.
Serokatiya Herêma Kurdistanê ragihand ku ev şand cara ewil e tê Herêma Kurdistanê û Îraqê.
Li gorî daxuyaniya Serokatiya Herêma Kurdistanê, armanca şanda NYyê ev e ku balê bikişîne ser hinek xalên wekî “mafên mirovan, mafê azadiyê, kar û xebatên rêxistinên civaka sivîl, azadiya çapemeniyê û azadiya raderbirînê.”
Volker Turk, di civînê behsa armancên serdana şanda xwe kir û bal kişande ser rewşa mafên mirovan, mafê azadiyê û azadiya raderbirînê ya li Îraq û Herêma Kurdistanê.
"Herêma Kurdistanê bibiryar e"
Nêçîrvan Barzanî jî di civînê de bal kişande ser girîngiya vê serdanê got:
“Herêma Kurdistanê bibiryar e ku demokrasî, wekhevî û azadiya raderbirînê biparêze û van bi pêş ve bibe.”
Li aliyê din, Volker Turk û şanda pê re li ser banga Hikûmeta Federal a Îraqê hatibûn û dê serdana wan 4 rojan bidome.
Serokê Herêma Kurdistanê Nêçîrvan #Barzanî, bi Komîseriya Bilind a Mafên Mirovan a Neteweyên Yekbûyî (NY) re civiya pic.twitter.com/XpyrkuRZIR
— RudawKurdi (@RudawKurdi) August 7, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse