Hewlêr (Rûdaw) - Bihayê lîreyê Tirkî li hember dolarê Amerîkî careke din daket û dolar rekoreke nû tomar kir. Îro 7ê Temûzê dolar li hember lîreyê Tirkî gihişte 26.19 lîreyan û rekoreke dîrokî tomar kir.
Banka Navendî ya Tirkiyê 22ê Hezîrana 2023an biryara xwe ya derbarê rêjeya faîzê de eşkere kir û piştî wê biryarê nirxê lîreyê Tirkî li beramber diravên biyanî daket û îro Îniyê 7ê Temûzê dolarekî Amerîkî gihîşte 26.19 lîreyên Tirkî.
Lijneya Giştî ya Banka Navendî ya Tirkiyê, piştî zêdetirî 2 salan ji biryara xwe ya kêmkirina rêjeya faîzê vegeriyabû û rêjeya faîzê ji %8.5an bo %15an zêde kiribû. Tevî zêdekirina rêjeya faîzê lîreyê Tirkî li hember diravên biyanî zêdetir nirxê xwe jidest da.
Li aliyê din Euro jî îro gihişte 28.48 lîreyan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse