Hewlêr (Rûdaw) - Partiya Azad a Kurdistanê (PAK) derbarê siyasetmedarê Kurd, Vedat Aydin de ku roja 5ê Tîrmeha 1991an de li Amedê hatibû kuştin, daxuyaniyek belav kir.
Buroya Çapemenî û Ragehandinê ya PAKê daxuyaniyek belav kiriye û têde 28mîn salvegera kuştina siyasetvanê Kurd, Vedat Aydin bi bîr tîne û dibêje: “Em di 28emîn salvegera şehadeta wî de, welatperwerê Kurd Vedat Aydin û hemû şehîdên Kurdistanê bi giramî bi bîr tînin.”
PAKê di daxuyaniya xwe de ragihandiye: “JİTEM a Dewleta Tirkîyeyê, Vedat Aydin di roja 05.07.1991ê de li Amedê revand û di roja 07.07.1991ê de termê wî li ser rêya Erxenîyê li kêleka rê hate dîtin.Vedat Aydin bi îşkenceyê hatibû qetilkirin.”
Di berdewamiya daxuyaniyê de tê gotin:
“Di roja 10ê Tîrmeha 1991ê de bi deh hezaran kes li Amedê beşdarî merasîma cenazeyê Vedat Aydin bûn.
Polîs û hêzên taybet yên Dewleta Tirkîyeyê bi çekan êrîşî ser girseyê kirin. Di encama vê erîşê de gelek kes hatin kuştin û birîndar bûn. Lê dîsa jî termê Vedat Aydin li Amedê hate defin kirin.
Vedat Aydin kadroyekî KİP/DDKDyê bû û ji vê dozê di hefsa Dîyarbekirê de raza bû.Gava ku hate qetilkirin jî Serokê Teşkîlata HEPê ya Amedê bû.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse