Hewlêr (Rûdaw) – Li Dêrika Hemko li bakurê rojhilatê Rojavayê Kurdistanê 10 hiktar zeviya genim li herdû gundên Çem Şeref û Zihêriya Jorîn şewitîn.
Li gor çavkaniyên xwecihî, di dema ku patozê zeviyên genim di navbera herdû gundên Çem Şeref û Zihêriyê ya Jorîn de diçinî, çirûskeke agir ji patozê derket.
Li gor ji ber wê çirûskê, agir bi zeviya genim ket û piştre agir berfireh bû di encamê de 10 hektar zeviya genim şewitî.
Şewata li zeviya genim ku gelek berfireh bûbû, bi alîkariya tîmên agirvemirandinê û xelkê deverê, hat kontrolkirin.
Di dema dawî de, li Cizîra Rojavayê Kurdistanê û herêma Kobanî bi sedema agirpêketinê zêdetirî 30 hektar zeviyên genim şewitîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse