Li Amedê bi hezaran masî mirine

Hewlêr (Rûdaw) - Li parêzgeha Ameda Bakurê Kurdistanê ji ber bikaranîna dermanê çandiniyê, bi hezaran masî mirine.

Li gundê Mîrelya ya navçeya Farqîna ser bi Amedê, di newala çem de bi hezaran masiyên mirî hatin dîtin. Li gor agahiyên destpêkê , dibe ew masî ji ber bikaranîna dermanên çandiniyê miribin.

Welatiyên gund dîmenên wan masiyan girtine û di torên civakî de belav kirine.

Beriya niha jî di 22ê Nîsanê de,  li gundê Saylar ser bi bajaroka Bismila Amedê, li beravên Dicle, dîsan bi hezaran masî miribûn û derbarê sedema mirina masiyan de tu agahî nehatibû dayîn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger