Hewlêr (Rûdaw) - Li Amedê, tevî ku di ser hilbijartinê re 7 roj derbas bûne jî Lijneya Hilbijartinan a Bajêr ji ber îtirazên partiyan mazbatayên şaredarên hatine hilbijartin nade.
Di hilbijartinên 31ê Adara 2024an de li Şaredariya Bajarê Mezin a Amedê û 13 navçeyên Amedê DEM Partî û li 4 navçeyan jî AK Partî bi ser ket.
Piştî hilbijartinê AK Partiyê ji Şaredariya Bajarê Mezin a Amedê û 13 navçeyên ku DEM Partî bi ser ket îtiraz kir û daxwaza ji nû ve hejmartina dengan û dubarekirina hilbijartinê kir.
DEM Partiyê jî bi heman awayî ji bo 4 navçeyên ku AK Partî bi ser ket îtiraz kir.
Ji ber Komîsyona Hilbijartinê ya Amedê li ser îtirazan biryarek nedaye mazbataya şaredarên serkeftî nehatiye dayîn û tevî ku 7 roj di ser hilbijartinan re derbas bûne jî dest bi kar nekirine.
Tê çaverêkirin roja 8ê Nîsanê Lijneya Hilbijartinê ya Amedê bicive û biryarê li ser îtirazan bide.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse