Hewlêr (Rûdaw) - Rêveberiya Asayîşa Silêmaniyê ragihand, li Firokexaneya Silêmaniyê teqînek rû daye û ziyaneke canî çênebûye lê agir bi derdorê ketiye û di demeke kurt de hatiye vemirandin.
Rêveberiya Asayîşa Silêmaniyê îro Înê 7ê Nîsana 2023an de di daxuyaniyekê de ragihand ku li Firokexaneya Silêmaniyê teqînek rû daye û hêzên wan li ser bûyerê lêkolînê dikin.
Asayîşa Silêmaniyê hişyariyê dide welatî û geştiyaran ku ti pirsgirêk li firokexaneyê nînin û geşt û karûbarên firokexaneyê bi awayekî asayî birêve diçin.
Daxuyaniya Rêveberiya Asayîşa Silêmaniyê:
“Îro di demjimêr 16:18an de teqînek li nêzîkî têlbenda Firokexaneya Navdewletî ya Silêmaniyê rû da ku ti ziyanên canî çênebûn lê şewat derket, tîmên berevaniya sivîl a firokexaneyê yekser gihîştin cihê bûyerê û agir kontrol kirin.
Hêzên me niha li ser bûyerê lêkolînê dikin û dê di demên pêş de zanyariyên zêdetir bidin.
Em welatiyan û geştiyaran agahdar dikin ku ti pirsgirêk li firokexaneyê nînin û geştên asmanî û karûbarên firokexaneyê wek her carê bi awayekî asayî birêve diçin.
Rêveberiya Asayîşê
Firokexaneya Navdewletî ya Silêmaniyê
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse